Фотогалерея: Forbes — инсоният тарихидаги энг бой одамлар рўйхати

Forbes журналининг маълумотларига кўра, бу йил сайёрадаги энг бой одам деб Amazon компанияси асосчиси Жефф Безос топилди. Журналистларнинг айтишича, унинг активлари 131 миллиард долларни ташкил қилади. Албатта, унинг пули кўп, аммо у инсоният тарихидаги энг бой одам ҳисобланмайди. Бу унвонга Чингизхон лойиқ деб топилган. Бугунги кунда буюк мўғулнинг қай даражада бой бўлганини баҳолашнинг деярли иложи йўқ.

Travel Ask нисбатан энг «камбағал» бойлардан тортиб, энг «бадавлат» бойларгача бўлган рўйхатни тузди.

1. Хэшэнь. 132 миллиард доллар

Шубҳасиз, 1750 йилда туғилган Хэшэнь Цин сулоласининг энг бой маъмуриятчиси ҳамда императорнинг севимли а’ёни бўлган.

2. Билл Гейтс. 144 миллиард доллар

Microsoft фирмасининг асосчиси

3. Вилгельм де Варрен. Суррейнинг 1-графи. 146 миллиард доллар

XI асрдаги ушбу норман дворяни Англияда катта кўчмас мулк эгаси бўлган. 1086 йилда ўтказилган Domesday Book тадқиқоти натижаларига кўра, де Варенн Англиянинг 13 графлигидаги, хусусан, Сассекснинг обрўли жойлари, Норфолкдаги поместе ва қаср, Саффолк, Ёркшир ва Эссекс шаҳарларида жойлашган ерларга эгалик қилган. Ҳозирги кунда бу кўрсаткич 146 миллиард долларни ташкил этади.

4. Жон Жакоб Астор. 168 миллиард доллар

Америкадаги келиб чиқиши немис бўлган биринчи мультимиллионер, савдогар. XIX аср бошида катта монополга айланган ҳамда АҚШ ва Канададаги савдони назорат қилган.

5. Алан Руфус. Ричмонднинг биринчи лорди. 195 миллиард доллар

Ушбу ўрта асрлик аслзода амакиси Вилгелм (Англиянинг бўлажак қироли туфайли катта бойликка эга бўлган.

6. Генри Форд. 200 миллиард доллар

Ford Motor Company автомобиль компаниясининг асосчиси

7. Корнелиус Вандербильт. 202 миллиард доллар

1794 йилда камбағал шотланд оиласида туғилган Вандербильт темир йўл ва юк ташиш саноатида катта миқдорда капитал йиғган.

8. Муаммар Каддафи. 212 миллиард доллар

2011 йилда Ливия раҳбари ўз ҳукмронлиги даврида 200 миллиард доллар ўзлаштиргани маълум бўлди. У пулни кўчмас мулк билан боғлиқ операциялар ва нефть тушумларидан олди.

9. Босқинчи Вилгельм. 228 миллиард доллар

Англияда ҳукмронлик қилган биринчи норман. 1066 йил босиб олган. Сассексдан Йоркширгача бўлган ерларни эгаллаган.

10. Усмон Али Хон, Асаф Жах VII. 230 миллиард доллар

Ҳиндистондаги Ҳайдаробод князлигининг сўнгги авлоди

11. Якоб Фуггер. 277 миллард доллар

Банкир ва савдогар, XVI асрдаги Европанинг энг бой одами

12. Император Николай II. 300 миллиард доллар

1894 йилдан 1917 йилгача ҳукмронлик қилган

13. Эндрю Карнеги. 337 миллиард доллар

XIX аср охирида АҚШ металлургия саноатини бошқарган

14. Жон Д. Рокфеллер. 367 миллиард доллар

1870 йил Standart Оил компаниясига асос солган ва АҚШдаги 90% нефть бизнесини бошқарган

15. Манса Муса I. 415 миллард доллар

1312 йилдан 1337 йилгача Мали ҳукмдори бўлган

16. Исроил шоҳи Сулаймон. 2,2 триллион доллар

Ўзининг 39 йиллик ҳукмронлиги даврида ҳар йили 25 тоннадан олтин олган

17. Император Октавиан Август. 4,63 триллион доллар

Биринчи Рим императори

18.  Акбар I. 21 триллион доллар

1556 йилдан 1605 йилгача буюк Бобурийлар империясини бошқарган

19. Шэн Цзун-Сун. 30 триллион доллар

1067 йилдан 1085 йилгача Хитойни бошқарган

20. Чингизхон. Ҳисоблашнинг иложи йўқ

Буюк мўғул ўзининг 21 йиллик ҳукмронлиги даврида 12 миллион квадрат мил ерни эгаллаган