Ўзбекистон интернет тезлиги бўйича Speedtest рўйхатида пастлади

Ирландиянинг Ookla компаниясига қарашли Speedtest.net сайти 2019 йил март ойи якунлари бўйича дунёдаги симсиз ва симли интернет тезлиги ҳақидаги маълумотларни ўз ичига олган Speedtest Global Index ойлик рейтингини эълон қилди, деб ёзади Spot.

Ўзбекистон март ойидаги мобил интернет тезлиги бўйича 9,49 Мбит / с билан бир поғона пастлаб 139 талик рўйхатдан 127-ўринни эгаллади.

Симли тезлик бўйича эса 11,81 Мбит / с тезлик билан эса 178 талик рўйхатнинг 131-поғонасида жойлашди:

Норвегия рейтингда мобил интернет тезлиги бўйича (67,54 Мбит / с), Сингапур эса симли тезлик (199,62 Мбит / с) бўйича етакчиликни қўлга киритди.

Speedtest тезликни ҳисоблаб чиқади ва маълум бир мамлакатнинг ташриф буюрувчиларидан келган ўзининг маълумотларига асосланиб рейтинг яратади. Сайт ойига 150 миллиондан зиёд киши ташриф буюрадиган интернет тезлигини аниқлаш бўйича асосий сервислардан бири саналади.