Телебошловчи Максим Галкин Кира Прошутинскаянинг дастурида 70 ёшини нишонлаш учун яна саҳнага чиқишга тайёргарлик кўраётган турмуш ўртоғи Алла Пугачёвани қандай қийинчиликлар кутаётгани ҳақида гапирди. Бу ҳақда «Mk.ru» хабар берди.
Галкиннинг сўзларига кўра, Алла Пугачёва ўзини бутунлай оиласига ва фарзандларининг тарбиясига бағишлаган. Бу эса қачонлардир катта саҳналарни «портлатган» пайтларини эслашга халақит беради.
«Саҳна учун уй бекаси эмас, санъаткор керак», — дейди Галкин.
Галкин, шунингдек, катта концертдан олдин ОАВнинг эътибори Аллага қаратилгани ҳамда бу вақтда у Алланинг матбуот котиби вазифасини бажариб, журналистлар билан гаплашиши кераклигини ҳам тан олган.
«Бу менинг нафсониятимга тегмайди», — дейди Галкин.