Google компанияси икки йил ичида жинсий тегажоғликда айбланган 48 нафар ходимини ишдан бўшатди. Бу ҳақда компаниянинг ички мактубига таяниб, The Washington Post хабар бермоқда, деб ёзади «Газета.ru».
Ходимлар Google раҳбари Сундар Пичаидан олган мактубда ишдан бўшатилган 48 кишидан 13 нафари компанияда юқори лавозимларни эгаллаганлиги таъкидланади. Шунингдек, унда лавозимидан четлатилганлардан ҳеч бири ишдан бўшаш нафақасини олмаганлиги таъкидланади.
Пичаининг мактуби ОАВларининг компания ҳақидаги хабарларига жавоб бўлди. Хабарларда Google тегажоғликда айбланган Android асосчиси Энди Рубинга ишдан бўшатилгандан сўнг 90 миллион доллар тўлаб берганлиги таъкидланади.