8 сентябрь куни Афғонистоннинг Қандаҳор вилоятида автобус ва юк машинаси тўқнашди, деб хабар беради «РИА Новости».
Ушбу йўл-транспорт ҳодисаси оқибатида 15 киши ҳалок бўлди, 25 киши жароҳатланди.
Вилоят губернаториниг расмий вакили Азиз Аҳмад Азизнинг маълум қилишича, авария Жари туманида тонгги соат 6:00 атрофида содир бўлди. Унинг сўзларига кўра, ҳалок бўлганлар орасида аёллар ва болалар ҳам бор. Жабрланганларнинг айримлари оғир аҳволда эканлиги айтилмоқда.
Афғонистонда йўлларнинг ёмон ҳолати, транспорт воситаларини бошқаришдаги хатоликлар, тезликни меъёридан ошириш оқибатида тез-тез ЙТҲлар содир бўлади.
Изоҳ (0)