Тошкентда муз аренасини йил охиригача очиш режалаштирилмоқда, деб ёзади Spot муҳокама учун эълон қилинган ҳужжат лойиҳасига таяниб.
Қурилиш билан Wind Rose МЧЖ буюртмачи ташкилот шуғулланмоқда. «Ўзбекнефтгаз» ушбу компанияни қурилиш тугаганидан кейин аренадан фойдаланиш билан шуғулланиши учун мажмуа оператори сифатида қолдиришни таклиф қилмоқда.
Шу билан бирга, «Ўзбекнефтгаз» Wind Rose МЧЖ устав капиталига улушни тўғридан-тўғри сотиб олиш ёки бошқа инвесторлар билан қўшма корхона ташкил қилиш йўли билан кирмоқчи (ўзи ёки бўлинмаси орқали).
Шундан кейин «Ўзбекнефтгаз» бошқарув раисининг спортни ривожлантириш бўйича ўринбосари лавозимини жорий қилиш режалаштирилмоқда, у арена ишини мувофиқлаштириш билан шуғулланади.
Шу босқичда аренани бошқарадиган халқаро даражадаги мутахассисларни жалб этиш масаласини ишлаб чиқиш ҳам кўзда тутилган.