Фотогалерея: Ўз қўшниларини даҳшатга солган жанговар халқлар

Уруш ўтмиш одамлари учун ҳаётнинг бир қисмига айланган одат бўлган. Ҳудуд, табиий бойликар, шон-шараф уруш бошланиши учун асосий сабаблардан бўлган. Баъзи халқларда урушда иштирок этиш муқаддас бурч, урушда ҳалок бўлиш эса энг яхши мукофот саналган. TravelAsk тарихдаги энг жанговар халқларга эътибор қаратди.

Маори

Янги Зеландияга келиб жойлашмоқчи бўлганлар, шубҳасиз, маорилар билан тўқнашган. Улар учун жанг кайфиятни кўтариш ва нуфузга эга бўлиш усули ҳисобланган. Қабилаларга каннибализм мавжуд бўлган. Улар ўз душманларининг кучига эга бўлиш учун уларни еган.

Гуркхи

XIX асрда Буюк Британия армиясига непалликлар қабул қилина бошланган, улар гуркхилар деб аталган. Гуркхилар ўз ғазаби ва ташқи кўриниши билан танилган. Уларнинг бўйи паст бўлса ҳам, юқори тазовузкорлик ва оғриқларга чидамлилик хусусиятига эга бўлган. Қўрқмас гуркхилар жангга биринчи бўлиб кирган ва уларнинг асосий қуроли кукри жанг пичоғи бўлган. Айнан уларнинг жангчилари Англиянинг Осия ва Африкадаги колонияларига юз берган қўзғолонларни бостирган ва Биринчи жаҳон урушида иштирок этган.

Даяки

Калимантан оролида ҳанузгача ўз анъаналари асосида яшаётган қабилада ўсмир ҳақиқий эркак деб тан олиниши учун ўз душманининг бошини иссиқ қони билан бирга олиб келиши керак. Агар у бу ишни бажара олмаса, бола бўлиб қолади ва ҳеч қандай ҳуқуққа эга бўлмайди. Даякилар бугунги кунда ҳам ўқотар қуролларни тан олмайди, улар металл учли найзалар ёрдамида ов қилади.

Қалмиқлар

Қалмиқлар Россиянинг энг урушқоқ халқларидан бири бўлган. Ҳатто Чингизхон ҳам уларни енга олмаган.

Апачилар

Апачилар — Шимолий Американинг энг жанговар қабилаларидан бири. Улар кўп асрлар давомида қўшни ҳинду қабилалари билан, кейин эса оқ танли колониячилар билан курашган. Қуроллари ёғоч ва суякдан ясалган бўлса ҳам, улар узоқ вақт давомида штатларнинг жануби-ғарбини даҳшатга солган.

Нинзалар

Нинзалар тарихи Х асрда бошланган. Бироқ улар Японияда қабилалараро курашлар бошланган XV асрга келиб ўзининг қудратли чўққисига чиққан. Нинза бўлиш осон бўлмаган, бунинг учун махсус тайёргарликдан ўтиш керак бўлган. Унинг ичига нафақат жанг санъатлари, балки эшитиш, кўриш хотираси, шунингдек, тиббиёт, игна санчиш, заҳарни даволаш ҳам кирган. Бу тайёргарликлар натижасида нинзалар ҳар қандай буюмдан қурол сифатида фойдалана олиш даражасига етган.

Викинглар

Скандинавияликлар замонавий Дания, Исландия ва Норвегия ўрнидаги совуқ ҳудудларда яшаган. Тупроқ унумсиз бўлгани сабабли уларнинг яшаш учун ягона имконияти яхши ерларни босиб олиш бўлган. Қадимги Европанинг кўплаб мамлакатлари викинглар босқинларидан азият чеккан.