Самарқанд вилоят ИИБ жиноятчиликни олдини олиш, содир этилган жиноятларни изидан очиш ва фош этиш, инновацион технологияларни қўллаш, илғор тажрибаларни амалиётга жорий этиш мақсадида дрон технологиясидан тажриба тариқасида фойдаланишни йўлга қўйди. Бу ҳақда бошқарма матбуот хизмати маълум қилди, дея хабар бермоқда ЎзА.
Вилоят Ички ишлар бошқармаси дронлардан қуйидаги йўналишларда фойдаланмоқда:
Учувчисиз бошқариладиган технологиядан ҳодиса содир бўлган жойга тергов-тезкор гуруҳидан олдин етиб бориши натижасида, жиноят давом этаётган объектда нечта жиноятчи борлиги, уларнинг қай ҳолатда ва қаерда турганлиги, жиноятчилар томонидан кимларни гаровда ушлаб турганлиги, жиноятчилар қанақа қуроллар билан қуролланганлиги ва бошқа шу каби тергов-тезкор гуруҳига зарур маълумотларни тезкорликда «онлайн» режимида кўриш имкониятини яратиш;
Тоғли ва бошқа ҳаракатланиш ноқулай ҳудудларда наркотик воситалар ҳамда контрабанда маҳсулотларини олиб кирилишини ва бошқа шу каби жиноий ҳолатларни аниқлаш, зарур маълумотлар ва далилларни тўплаш;
«Қорадори» тадбирларини ўтказиш чоғида иқтисодий харажатларни камайтириш, вертолёт ва бошқа шу каби, кўп сарф-харажатлар талаб қилувчи қурилмалар ўрнига қўллаб, иш самарадорлигини ва тежамкорлигини ошириш;
Оммавий тадбирлар, жумладан, сайллар, рухсат этилган ва рухсат этилмаган турли хил намойишларни онлайн кузатиб бориш, назорат қилиш ҳамда бу бўйича тезкор ва аниқ қарорлар қабул қилиш;
Ҳудудларда содир бўлган йирик ёнғинларни ўчиришда учувчисиз мослама ёрдамида олинган маълумотларга таяниб, ёнаётган объект тўғрисида тўлиқ маълумот олиш ва шу асосида куч воситаларни тўғри тақсимлаш, йўналтириш, ўт ўчириш мосламаларини биринчи бўлиб, қаерда ишлатиш;
Ҳуқуқбузарликлар профилактикаси ва ҳуқуқий тарғибот ишларини таъсирчанлиги ва самарадорлигини ошириш, замонавий кўринишда амалга ошириш;
Ички ишлар органларининг матбуот хизматлари фаолиятида фойдаланишда.
Бундан ташқари, вилоят ИИБ бошқа йўналишларда ҳам учувчисиз қурилманинг имкониятларини текшириб кўрмоқда.
Изоҳ (0)