Бугун, 25 июнь санасида футбол бўйича Россияда бўлиб ўтаёган Жаҳон Чемпионати гуруҳ босқичининг сўнгги, 3-тур ўйинларига старт берилади. Ҳар бир гуруҳдаги 3-тур ўйинлари бир вақтда бошланади.
Бугуннинг ўзида «А» ҳамда «B» гуруҳида 3-тур ўйинлари бўлиб ўтади.
Жумладан, «А» гуруҳида Россия ҳамда Уругвай гуруҳ ғолиблиги учун кураш олиб боради.
Мазкур гуруҳнинг қолган икки жамоаси — Саудия Арабистони ҳамда Миср эса расмиятчилик учун майдонга тушади.
Иккала учрашув ҳам Тошкент вақти билан 19:00 да бошланади.
«А» гуруҳидаги ҳолат:
«B» гуруҳидан чиқиш учун эса бирданига 3 та жамоа кураш олиб бормоқда. Булар — Португалия (4 очко), Испания (4 очко), Эрон (3 очко). Марокаш эса мусобақани муддатидан аввал тарк этиб улгурди.
Бугун Эрон терма жамоаси гуруҳдан чиқиш учун Португалия билан кураш олиб боради.
Испания эса Марокашга қарши майдонга тушади.
Иккала беллашув ҳам 23:00 да бошланиши белгиланган.
«B» гуруҳидаги ҳолат:
Барча учрашувлар UzReport ҳамда Futbol-TV телеканаллари орқали жонли эфирда намойиш этилади.
Маълумот учун агарда жамоалар очколари бир хил бўлиб қолса, унда регламент бўйича аввало тўплар нисбати, шунда ҳам тенглик бўлса, унда қайси жамоа кўпроқ гол урганига эътибор қаратилади. Бу борада ҳам тенг натижа қайд этилса, унда ўзаро ўйинлар инобатга олинади. Агарда шунда ҳам кўрсаткичлар тенг бўладиган бўлса, унда энг кам огоҳлантириш олган жамоа жадвалда юқори ўринга кўтарилади. Барча кўрсаткичлар тенг келадиган бўлса, унда ФИФА «кўр қуръа» орқали ғолибни аниқлаб беради.
Жаҳон Чемпионати
«А» гуруҳи, 3-тур беллашувлари
25 июнь, душанба
Уругвай — Россия 19:00
Саудия Арабистони—Миср 19:00
«B» гуруҳи, 3-тур беллашувлари25 июнь, душанба
Изоҳ (0)