Россия Кубогини ютган ўзбекистонлик Вагиз Галиулин «Тосно»ни тарк этади

«Тосно»нинг ўзбекистонлик ярим ҳимоячиси Вагиз Галиулин «Урал»га ўтиши кутилмоқда, деб хабар қилади «Матч-ТВ».

Вагиз шахсан «Урал»нинг амалдаги мураббийи Дмитрий Парфеновдан таклиф олган. Мураббий аввал «Тосно»да Галиулин билан бирга ишлаган. Трансфер бўйича томонлар аллақачон келишувга эришган.

Якунланган мавсумда Галиулин РФПЛда 23 та ўйин ўтказиб, 3 та гол уришга эришди.