Флориданинг Жексонвилл шаҳрида содир бўлган отишма оқибатида уч киши ҳалок бўлди ва яна бир киши жароҳат олди. Бу ҳақда Fox News телеканалига таяниб, «ТАСС» хабар берди.
Маълумотларга кўра, нохуш ҳодиса 5 май куни кечқурун содир бўлган. Қуролланган номаълум шахслар автомобиль ичидан туриб одамлар ўтирган бошқа бир машинани ўққа тутган. Отишма оқибатида бир киши воқеа жойидаёқ ҳалок бўлган, яна икки нафарининг жони шифохонада узилган.
Ўқ теккан йўловчилардан бирининг аҳволи оғир эканлиги айтилмоқда.
Айни вақтда шаҳар полицияси жиноятчиларни қидириш билан банд.