1—2 май кунлари Қирғизистоннинг Бишкек шаҳрида «Қозон-мангал» II Евро Осиё кулинария фестивали бўлиб ўтди, деб хабар беради «Письма о Ташкенте».
Ўзбекистон ошпазлари уюшмаси бошлиғи Акбар Умаров бошчилигидаги жамоа мамлакат шарафини ҳимоя қилди.
Ўзбекистонлик ошпазлар жамоасининг аъзолари Азимжон Обиджонов ҳамда Муҳитдинжон Мансуровлар «Қўй гўштидан таом» ва «Ўзган гуручидан тайёрланган палов» номинациясида бронза медалини қўлга киритди.
Жамоанинг Аҳмад Ҳамдамов ва Умринисо Тўлаганова сингари профессионал аъзолари «Қора қути» номинациясида олтин медални қўлга киритди.
Аҳмад Ҳамдамов «Форель» номинациясида яна бир олтин ва «Этник ошхона» номинациясида кумуш медали совриндори бўлди.
Умринисо Тўлаганова эса «Десерт» номинациясида олтин медаль соҳибасига айланди.
Изоҳ (0)