Астрахан вилоятида одам савдоси билан шуғулланишда гумон қилинаётган Ўзбекистон фуқароси қўлга олинди

Россиянинг Астрахан вилоятидаги «Оқсарой» ўтказиш пунктида чегарачилар одам савдоси бўйича халқаро қидирувда бўлган Ўзбекистон фуқаросини қўлга олди. Бу ҳақда Россия ФХХ божхона бошқармасига асосланиб, Sputnik хабар берди.

«Ўзбекистон фуқароси тўрт йилдан буён давлатлараро қидирувда бўлган. Одам савдоси билан шуғулланишда гумонланаётган эркак бир неча йилдан бери ўз мамлакатида терговдан беркиниб юрган», — дейилади хабарда.

Маълум қилинишича, жиноятда гумонланаётган шахс поездларнинг чегара назорати пайтида ҳибсга олинган.