Фото: Давлат раҳбарларининг уй ҳайвонлари

«РБК» давлат раҳбарлари қайси уй ҳайвонларини боқиши ҳақида маълумот тўплаб тақдим этди.

Владимир Путиннинг кучуклари

Амалдаги Россия президенти уй ҳайвонлари ичидан кучукларни маъқул кўради. 1999 йилда президентнинг собиқ хотини Людмила унга Тоси лақабли той-пудель сотиб олган эди. Бироз вақтдан сўнг, Тоси Родео лақабли кучукчани дунёга келтирган. Президентнинг энг машҳур кучуги лабрадор зотига мансуб Кони. Ушбу кучукни 2000 йилда ФВВ вазири лавозимида бўлган Сергей Шойгу совға қилган.

2010 йилда Болгария бош вазири Бойко Борисов «Жанубий оқим» газ қувури бўйича бўлиб ўтган музокаралардан сўнг, Путинга болгар овчаркасини совға қилган эди, унга Баффи дея лақаб қўйишган. 2012 йилда Япониянинг Акита префектураси раҳбари Россия зилзила оқибатида Япониянинг шимоли-шарқий ҳудудига кўрсатган ёрдамига миннатдорчилик сифатида акита-ину зотли «Орзу» кучугини совға қилган эди.

Эслатиб ўтамиз, жорий йилнинг 11 октябрь куни Туркманистон президенти Гурбангули Бердимуҳамедов Россия президентига алабай зотли кучукчани совға қилганди.

Барак Обаманинг кучуклари

АҚШ собиқ президенти Барак Обама ва унинг турмуш ўртоғи Мишелнинг Бо ҳамда Санни лақабли кан-диагуа зотига масуб кучуклари бор. АҚШнинг амалдаги президенти Дональд Трампнинг уй ҳайвонлари бор ёки йўқлиги номаълум.

Жорд Бушнинг кучуклари, мушуклари ва сигири

АҚШ собиқ президенти кичик Жорж Бушнинг учта кучуги, мушуги ва Техасдаги ранчосида яшаган сигири ҳам бор. 2013 йилда Барни лақабли шотланд терьери 12 ёшида вафот этган. «Барни бизнинг Оқ уй билан ўтган саккиз йилимиз давомида доим ёнимда эди. У ҳеч қачон сиёсатни муҳокама қилмасди ва доим содиқ дўст эди», — деган эди Буш кучугининг ўлимидан сўнг.

Франсуа Олланднинг лабрадори

2014 йилда Франция собиқ президенти Франсуа Олландга лабрадор зотли кучук совға қилишган. Олланд кучукчани ўша вақтда Чурюмова-Герасименко кометасининг юзасига қўнган кўсмик аппарат шарафига Philae деб номлаган.

Жак Ширакнинг мальта болонкаси

Франциянинг яна бир собиқ президенти Жак Ширакнинг Сумо лақабли мальта балонкаси бўлган. 2009 йилда ОАВларнинг маълум қилишича, Ширак мамлакат раҳбарлиги лавозимидан кетгач, унинг кучуги жаҳлдор бўлиб қўлган ва қисқа вақт ичида хўжайинини уч марта тишлаб олган. Шундан сўнг у француз қишлоқларидан биридаги фермага жўнатиб юборилган.

Александр Лукошенконинг мушуклари, куркалари ва бошқа ҳайвонлари

Беларусь президенти Александ Лукошенко ҳайвонларни жуда яхши кўради. 2016 йилнинг ноябрида у ўзининг уй ҳайвонлари ҳақида сўзлаб берган эди: Беларусь раҳбарининг сўзларига кўра, унинг уйида учта мушук ва бошқа кўплаб ҳайвонлар яшайди. «Улар жуда кўп. Туяқуш, ўрдак, 25 та ғоз, оддий товуқлар, 10 га яқин куркалар, қуёнлар — олдин улар кўп эди, бироқ тарқатиб юборганман, ҳозир 20 тача қолган, ўнта сигир, эчки, қўй, 7—8 та от. Шунингдек, тўртта кучугим бор: иккитаси лайка, лабрадор, немис овчаркаси», — деган эди Лукашенко.

Қиролича Елизаветанинг коргилари

Елизавета II га биринчи коргини 18 ёшида совға қилишган. Сьюзан лақабли кучук деярли 15 йил яшаган. Умуман олганда британ қироличасининг шу кунга қадар 30 га яқин кучуги бўлган. Айни вақтда унинг корги зотига мансуб Холли ва Уиллоу лақабли кучуклари бор.