Саҳролар қуруқликнинг учдан бир қисмини ташкил этади. У ерлардан нималар топилмаган дейсиз: улкан кемалар, бойликлар ҳатто бутун бошли шаҳарлар. Бироқ айрим топилмалар шу даража ғалати ва шубҳалики уларни тушунтириб беришнинг имкони йўқ.
AdMe саҳролардан шу каби топилган ғайриоддий буюмлар, топилмалар суратларини тўплаб тақдим этди.Prada дўкони
Техасдаги саҳронинг ўртасида Prada дўкони жойлашган. Унинг токчаларидан қиммат сумкалар, заргарлик буюмлари ва дизайнерлик пойабзаллар жой олган. Бироқ уларни сотиб олишнинг иложи йўқ. Чунки буни қуришдан мақсад — цивилизациядан узоқда жойлашган дўконнинг қай кўринишда бўлишини кўриш.
Дўкон очилганининг биринчи кунидаёқ унга ўғри тушган. Шундан сўнг мустаҳкам қулфлар ва синмайдиган ойналар ўрнатилиб, яна қайтадан буюмлар олиб келиб жойлаштирилган.Улкан кўрсатгич
Аризона чўлида 20 метрли тошдан ясалган кўрсатгични кўриш мумкин. Ушбу кўрсатгич 1911 йилда ўрнатилган бўлиб, почта самолётларига буюртмаларни ғарбий қирғоққа элтишда йўналишни кўрсатиб турган.Телефон будкаси
Мохаве чўлига 1960 йилда, йўлдан 13 километр четга телефон будкаси ўрнатилган. У шахта ишчилари ва адашиб қолганлар учун мўлжалланган. Бироқ у туристлар орасида машҳурликка эришган.
Рик Карр исмли одам будка ёнида 32 кун яшаб 500 та қўнғироққа, жумладан Пентагон қўнғироғига жавоб қайтарган. 2000 йилда ахлатлар тўпланиб қолганлиги сабаб будка бузиб ташлаган. У ҳақида ҳатто бутун бошли фильм ҳам ишлаган.«Саҳро нафаси»
Ушбу ғайриоддий жой Миср шарқида жойлашган бўлиб НУЖлар базасини ёдга солади. Аслида эса бу 1997 йилда грек ижодкорлари томонидан қурилган. 100 минг квадрат метр майдонни эгаллаган «Саҳро нафаси» қумли йўлларнинг чексиз эканлигини ифодалайди.Видео ўйинлар сақланган махфий жой
Машҳур Atari компанияси 1980 йилда жуда кўп маҳсулот ишлаб чиқарган, бироқ видео ўйинлар ва пиставкаларга талаб кам бўлганлиги сабаб омборлари тўлиб кетган. Улардан тезда қутилишнинг йўли — бу «бойликлар»ни саҳрога кўмиб ташлаш бўлган.
«Хазина» узоқ йиллар давомида қидирилган. Бироқ 2014 йилдагина ушбу «бойлик»ни топишга муваффақ бўлинган. «Хазина»дан ажойиб ҳолда сақланган минглаб видео ўйинлар, приставкалар ва нашрлар тўплами жой олган. Барча топилмалар eBay орқали катта маблағга сотилган.Саҳро қўли
Чили шимолида жойлашган Атакама саҳросида ер остидан чиқиб турган 11 метрли қўл мавжуд. У 1992 йилда, қум орасида чўкаётган инсоннинг заиф ва иложсиз эканлиги рамзи сифати қурилган.Махфий ҳовуз
Топқир австриялик ижодкор Мохаве саҳросида ҳақиқий элита ҳовузни қурди. Иссиқ саҳро ўртасида исталган киши ҳовузнинг совуқ сувида чўмилиши мумкин. Фақат ушбу ҳовузни топиш осон эмас: атрофида мўлжаллга олинадиган бирорта нарса йўқ, Google харитаси эса унинг жойни аниқлай олмайди.