«Реал» — «Атлетико» ўйинида хет-трик қайд этган Криштиану Роналду бир кечанинг ўзида статистикларни қийнаб қўйди. Чунки у янги марраларни забт этиб улгурганди.
Хет-трик
Криштиану Роналду Чемпионлар лигасида хет-трик қайд этиш борасида рақиби Лионель Месси билан тенглашиб олди. Энди улар ҳисобида 7 тадан хет-трик мавжуд.Қизиқ томони, Чемпионлар лигасининг кетма-кет икки ўйинида хет-трик қайд этиш на Мессига ва на бошқа бир футболчига насиб қилган. Роналду эса аввал «Бавария», кейинроқ «Атлетико» дарвозасига 3 та гол уришга эришди. «Бавария» ва «Атлетико» ҳимоя чизиғи Европадаги энг кучлиларидан бири экани инобатга олинса, уч ўйинда Роналду мана шу икки клуб дарвозасига 8 та гол уришнинг уддасидан чиқа олгани ёрқинлик касб этади.
Хуллас, «Бавария» ва «Атлетико»га қарши жами уч ўйинда 12 та зарба ва 8 та гол. Бундай сермаҳсуллик ҳақида фақат орзу қилиш мумкин.
Криштиану ва «Атлетико»
«Криштиануси бор ‘Реал’ни 4:0 ҳисобида мағлуб этиш бизга бегона эмас», — деб айтиб ўтганди «Атлетико» ярим ҳимоячиси Коке. Бунга жавобан эса Роналдунинг Чемпионлар лигасидаги статистикасини келтириш ўринли.«Атлетико» Чемпионлар лигасида ҳозирга қадар 100 та гол уришга муваффақ бўлган. Криштиану Роналдунинг ўзи эса бу борада 103 та гол уришга эришган.
Ярим финал
Чемпионлар лигасининг ярим финалида гол уриш борасида ҳеч бир футболчи Роналдунинг ёнига туша олмайди. «Атлетико»га қарши ўйиндан кейин футболчи 13 талик довондан ўтиб олди. Афсонавий Альфредо Ди Стефано Чемпионлар лигасининг ярим финалларида 11 та гол уришга эришганди.10
Роналду кетма-кет олти мавсумдирки Чемпионлар лигасида 10 та ёки ундан кўп гол уриб келади. Плей-оффнинг сўнгги уч ўйинида 8 та гол ура олган ҳужумчи бу анъанасини давом эттирди.Криштининг бу борадаги энг яхши кўрсаткичи 2013/14 йилги мавсумда кузатилган бўлиб, ушанда футболчи Чемпионлар лигасини 17 та гол билан якунлаганди.
50
Чемпионлар лигасининг плей-оффларида Роналду 50 та гол урган биринчи футболчи бўлиб олди.400
Яқиндагина «Барселона» ҳужумчиси Лионель Месси клуби учун 500-голни урганди. «Атлетико»га қарши ўйиндан кейин Криштиану Роналду «Реал»даги 400-аниқ зарбасини берган бўлиб чиқди.Роналду 2009 йилдан буён «Реал»нинг Ла лига ўйинларида 280 та гол уришга эришган. Испания кубогида 22 бор муваффақият қозонган португалиялик ҳужумчи, еврокубокларда жами 89 та гол урган. Қолган турнирларда эса ўз ҳисобига 9 та гол ёзиб қўйган.
Фақат мени эмас, ўйинни ажойиб ўтказган бутун жамоани табриклашингиз мумкин.Гол уриш — менинг вазифам. Биз ўйиннинг бошидан то охирига қадар яхши ўйнадик. Голлар эса бунинг мантиқий рағбати бўлди. Албатта, мен урган голларимдан хурсандман. Аммо энг муҳими барибир бутун учрашувнинг биз учун фойдали якун топганидир.
Криштиану Роналду, «Реал» аъзоси
Изоҳ (0)