Профессионал боксдаги илк жангида америкалик рақибини нокаутга учратган ўзбекистонлик чарм қўлқоп устаси Фазлиддин Ғоибназаров 20 май куни иккинчи бор рингга кўтарилади. Бу ҳақда «Оламспорт» боксчининг мураббийи Аброр Турсунпўлатовга асосланиб маълумот берди.
Рио Олимпиадасида ғолибликни қўлга киритган Ғоибназаровга кимнинг рақиб бўлиши яна бир ҳафтадан кейин маълум бўлади. Аниқ томони, у рингга чиқадиган бокс кечаси Нью-Йоркдаги машҳур Madison square garden’да ўтади.
Маълумот учун, Ғоибназаров ўзининг илк жангини Калифорния штатидаги StubHub Center аренасида ўтказиб, америкалик Виктор Васкесни иккинчи раунддаёқ таслим қилганди.
Унинг навбатдаги жанги кечасида икки йўналиш бўйича чемпион Теренс Кроуфорд асосий боксчи мақомида бўлади. Ғоибназаровнинг жанги эса Кроуфорднинг марказий жангига қадар ўтказилади.