Англиянинг «Манчестер Юнайтед» клуби «Олд Траффорд» стадионида кетма-кет 26 та ўйиндан буён мағлуб бўлмади.
Европа лигасининг чорак финалида «Андерлехт»ни қабул қилган «манкунианлар» асосий вақтда 1:1 ҳисобида дуранг ўйнади ва қўшимча дақиқада ғалаба голини уришга муваффақ бўлди. Бу эса Манчестер шаҳридаги мағлубиятсиз сериянинг давом этишига сабаб бўлди.
2011 йилги мавсум «Манчестер Юнайтед» ўз майдонидаги мағлубиятсиз сериясини 37 та ўйинга етказиб олганди. Фергюсон давридаги ўша натижага на Моес ва на Луи Ван Гал яқин келди. Моуриньода эса бу кўрсаткич учун яна 11 та уй учрашуви қолди.
Изоҳ (0)