Германиянинг Adidas компанияси электромобил ишлаб чиқарувчи Tesla компаниясининг Model 3 моделидаги логотипи кўчирилганини эълон қилди, деб хабар бермоқда «Motor».
Adidas вакилларининг фикрича, электрокар учун яратилган уч чизиқли логотип немис ишлаб чиқарувчисиникига ўхшаб кетади. Немис компанияси вакиллари мазкур ҳолат юзасидан расмий эътироз йўллади.
Ҳужжатларда қайд этилишича, Adidas уч чизиқли логотипдан 1952 йилдан буён фойдаланиб келади. Спорт кийимлари ишлаб чиқарувчиси расмий эътирозида Model 3 логотипи Adidas логотипига «жуда ўхшаш ёки деярли бир хил» эканини қайд этган.
Geek Wire нашрининг ёзишича, Tesla шикоятга жавоб тариқасида уч чизиқли логотипни «3» рақамига ўзгартирди. Янги электрокарнинг логотипи сифатида «3» рақами ишлатилишини Tesla раҳбари Илон Маск ҳам Twitter’даги саҳифасида тасдиқлади.
Tesla Model 3 нинг дастлабки нухсалари 2018 йилнинг охирида сотувга чиқиши кўзда тутилган.
Диққат, диққат! «Дарё»нинг Telegram’даги расмий канали — «Toshqin ‘Daryo’»га обуна бўлиб, янгиликлардан овозли кўринишда баҳраманд бўлишингиз мумкин.