8 декабрь куни кучли бешликда бир қатор футбол учрашувлари бўлиб ўтди. Испания кубоги финалида «Барселона» ва «Алавес» ўйнаши аниқ бўлганди. Англия ва Германия кубокларида эса навбатдаги босқич иштирокчилари аниқланди.
Франция ва Италия чемпионатларида тур учрашувлари бўлиб ўтди. А серияда «Ювентус» қолдирилган ўйинни ўтказган бўлса, Францияда 24-тур ўйинлари давом этди.
Англия
Англия кубогида зафар қучиш учун кураш олиб бораётган мамлакатнинг амалдаги чемпиони «Лестер» қуйи лига вакили «Дерби Каунти» билан илк учрашувда 2:2 ҳисобида дуранг ўйнаб қўйганди. 8 февраль куни томонлар «Кинг Пауэр» стадионида тўқнаш келди.Асосий вақт яна дуранг билан якун топди — 1:1. 120 дақиқа давом этган ўйинда «тулкилар» кейинроқ яна 2 та гол уриб, нимчорак финал масаласини ижобий ҳал қилишга муваффақ бўлди.
Англия кубоги 1/16 финал 8 февраль, чоршанба
«Лестер» — «Дерби Каунти» 3:1
Голлар: Энди Кинг, 46 (1:0). Абдул Камара, 61 (1:1). Онине Ндиди, 94 (2:1). Демарай Грей, 114 (3:1).Маълумот учун, «Лестер» чорак финал йўлланмасини қўлга киритиш учун «Миллуолл» клуби майдонида зафар қучиши керак бўлади. Мазкур жамоа ўтган босқичда «Уотфорд»га чиқиш эшикларини кўрсатиб қўйганди.
Германия
Германия кубогида зафар қучиш илинжида бўлган Дортмунднинг «Боруссия» клуби нимчорак финалда катта қийинчиликка дуч келди. «Герта»га қарши 120 дақиқа давом этган ўйинда ғолибни аниқлаб бўлмади. Пенальтилар сериясида Берлин клуби вакилларидан уч нафари ноаниқ зарба берди: Фабиан Лустенбергер, Владимир Дарида ва Саломон Калу. Шу тариқа Калунинг ўйинда урган голи, пенальтидаги ноаниқ зарбаси билан йўққа чиқиб кетди.Бир кун аввал чорак финал чиптасини «Гамбург», «Шпортфройнде», «Айнтрахт», «Боруссия Мёнхенгладбах», «Арминия» ва «Бавария» каби клублар ҳам қўлга киритганди.
Германия кубоги 1/8 финал 8 февраль, чоршанба«Боруссия Дортмунд» — «Герта» 1:1 (пен — 3:2)
Голлар: Саломон Калу, 27 (0:1). Марко Ройс, 47 (1:1).«Зандхаузен» — «Шальке» 1:4
Голлар: Алессандро Шёпф, 38 (0:1). Даниэль Калижиури, 43 (0:2). Нальдо, 45+1 (0:3). Эндрю Вутен, 64 (1:3). Евгений Коноплянка, 71 (1:4).Италия
Италия А сериясининг турнир жадвали бир текис кўринишга келтирилди. «Ювентус» қолдирилган ўйинда 2 та гол фарқи билан зафар қучди ҳамда ўзига энг яқин турган Рим клубидан 7 очкога илгарилаб кетди. Олдиндаги 15 та тур давомида «Рома» мана шу фарқни йўққа чиқаришга ҳаракат қилади.
Италия А серияси 18-тур 8 февраль, чоршанба
«Кротоне» — «Ювентус» 0:2
Голлар: Марио Манжукич, 60 (0:1). Гонсало Игуаин, 74 (0:2).Франция
Франция чемпионатига Англия Премьер-лигасидан етиб келган икки футболчи ва ниҳоят гол уришга муваффақ бўлди. Мемфис Депай «Лион»нинг йирик ғалабасига ҳисса қўшган бўлса, Димитри Пайетнинг голи «Марсель»га ғалаба тортиқ қилди. Ҳар икки клуб турнир жадвалидаги аҳволини анчагина яхшилаб олди.
Франция Биринчи дивизиони 24-тур 8 февраль, чоршанба