Австралиялик дайвер Рик Андерсон етти йилдан буён кулранг акула билан дўст, деб ёзади «Bigmir.net».
Рик бу акулани у ҳали жуда кичиклигида силаб, эркалаб қўйган. Шундан буён балиқ ҳар сафар дайверни кўрганда унинг олдига сузиб келади.
«Мен етти йил аввал у билан ўйнаб бошлаганман. Ўшанда у жуда кичик, узунлиги 15 сантиметр атрофида эди. Уни қўрқитиб юбормаслик учун секин унга яқинлашиб, силаб қўйганман», — дейди Адерсон.
Кейинчалик акула уни таний бошлади ва унга яқин сузиб келиб, Рик уни қучоқлаши учун тумшуғи билан унинг оёғига туртишни одат қилди.
Таъкидлаш жоизки, дайвер акулага озуқа бермайди — у билан фақат ўйнайди, холос.
«Акула билан ўйнаётганимни кўрган бошқа дайверлар кўзларига ишона олмайди», — дейди Рик.
Рик 27 йилдан бери сув остида сузиш билан шуғулланади ва дайвинг мактабида мураббийлик қилади.
Диққат, диққат! «Дарё»нинг Telegram’даги расмий канали — «Toshqin ‘Daryo’» (@toshqindaryo)га обуна бўлиб, янгиликлардан овозли кўринишда баҳраманд бўлишингиз мумкин.