АҚШнинг сайланган президенти Дональд Трамп мансабга келиши билан биринчи галда амалга оширадиган ишлари орасида Мексика билан чегарада девор қуриш тўғрисида фармон имзолаш бўлади. Бу ҳақда, Reuters’га асосланиб, «РБК» хабар бермоқда.
Девор ҳақидаги фармон Трамп АҚШдаги ноқонуний муҳожирларга қарши кураш йўлида қабул қиладиган чора-тадбирлар пакети таркибига кириши мумкин. Бундан ташқари, Барак Обаманинг 700 минг ноқонуний муҳожирга ўз меҳнатини қонуний асосга кўчириш имконини берган фармони бекор қилиниши кутилмоқда. Бу кўрсатилган муҳожирларнинг дарҳол депортация қилинишига олиб келмаса ҳам, Трамп ва Обама ўртасидаги ихтилофни янада авж олдириши мумкин.
Reuters илгарироқ Трамп президентлик мақомига келиши билан биринчи навбатда Транстинч океани ҳамкорлиги тўғрисидаги келишувдан чиқиш тўғрисидаги фармонни тайёрлашини хабар қилган эди.