Англиянинг «Манчестер Юнайтед» футбол клуби мамлакат лига кубоги сари биринчи қадамни ташлади. Ярим финалнинг дастлабки ўйинида «Халл Сити»ни қабул қилган «қизил иблислар» 2:0 ҳисобида зафар қучди.
Учрашувнинг 56-дақиқасига келиб Хуан Мата мезбонларни олдинга олиб чиққан бўлса, асосий вақт якунига 3 дақиқа қолганида Маруан Фаллейни «йўлбарслар» дарвозасига иккинчи голни урди. Бу «Халл Сити» майдонида бўлиб ўтадиган жавоб ўйини олдидан «Юнайтед»нинг имкониятларини бир мунча ошириб берди.
Маълумот учун, «Юнайтед» бунга қадар «Нортҳэмптон» (3:1), «Манчестер Сити» (1:0) ва «Вест Ҳэм» (4:1) клубларини мусобақадан чиқариб юборган бўлса, «Халл Сити» клуби «Сток Сити» (2:1), «Бристоль Сити» (2:1), «Ньюкасл» (1:1 пен: 3:1) каби рақиблар довонидан ўтиб келганди.
АПЛ турнир жадвалида сўнгги — 20-ўринни эгаллаб турган «Халл Сити» чемпионат доирасидаги ўйинда «Манчестер Юнайтед»га ўз майдонида 0:1 ҳисобида имкониятни бой берганди.
Бугун — 11 январдан 12 январга ўтар кечаси ярим финалнинг иккинчи учрашуви бўлиб ўтади — «Саутгемптон» — «Ливерпуль.
Англия лига кубоги Ярим финал. Биринчи учрашув 10 январь, сешанба
Изоҳ (0)