Англия футбол уюшмаси (FA) мамлакат терма жамоасини вақтинча бошқараётган мутахассис Гарет Саутгейтни доимий бош мураббий этиб тайинлашга қарор қилди. Бу ҳақда «Sports.ru» хабар бермоқда.
FA англиялик мутахассисга 4 йиллик шартнома таклиф қилади. Унинг йиллик маоши 1,5 миллион фунт қилиб белгиланиши кўзда тутилган.
Хабарда таъкидланишича, шартнома имзоланиши ҳақида Англия термасининг Испанияга қарши ўртоқлик ўйинидан сўнг расман эълон қилинади.
Англия ва Испания ўртасидаги ўртоқлик учрашуви Тошкент вақти билан 16 ноябрь куни соат 01:00 да бошланади.
Эслатиб ўтамиз, Англия терма жамоасининг собиқ устози Сэм Эллардайс коррупцияга алоқадорликда айбдор деб топилиб, истеъфога чиқарилганидан сўнг Гарет Саутгейт вақтинча бош мураббий сифатида унинг ўрнини эгаллаган эди.