Футбол бўйича Канада миллий терма жамоаси бош мураббийи Майкл Финдли Жанубий Кореяга қарши ўртоқлик ўйинидан кейин ўз фикрларини билдириб, Ўзбекистонга қарши беллашувда кореяликлар фаворит эканини қайд этиб ўтди. Унинг сўзларидан «Championat.asia» иқтибос келтирди.
«Менимча, Жанубий Корея Ўзбекистон учун етарлича муаммо туғдиради. Улар техник томондан кучлироқ. Ўзбекистонга қарши ўйинда Жанубий Корея устунликка эришади», — деб айтиб ўтган Майкл Финдли.
Қайд этиш керак, 2016 йилнинг ёзида Ўзбекистон ва Канада терма жамоалари Австрияда ўртоқлик ўйини ўтказган бўлиб, беллашув Самвел Бабаян жамоасининг 1:2 ҳисобидаги мағлубияти билан якунига етганди. 11 ноябрь куни эса Канада Сеулда Жанубий Корея билан тўқнаш келиб, 0:2 ҳисобида имкониятни бой берди.