Америкалик актёр, фахрий «Оскар» совриндори Роберт Редфорд охирги иккита лойиҳадаги ишни битирганидан сўнг актёрлик фаолиятини якунлашини билдирди. Бу ҳақда, The Guardian нашрига асосланиб, Afisha Daily хабар бермоқда.
«Ҳозир иккита лойиҳа устида ишламоқдаман. Уларни тугатгандан сўнг ‘майли, хайр’ деб, режиссурага эътибор қаратмоқчиман», — деди Редфорд.
У актёрликдан жуда чарчаганини айтиб ўтди.
Яқин орада 80 ёшли Редфорд иштирокидаги Our Souls at Night ва Old Man With a Gun фильмларида кўриш мумкин бўлади.
Редфорд ўз фаолияти давомида 60 дан ортиқ фильм ва сериалларда роль олган.
Изоҳ (0)