Туркиянинг Мерсин шаҳри мезбонлик қилган ва 12 мамлакатнинг 48 нафар спортчиси иштирок этган World Challenge Cup турнирида ўзбекистонлик Оксана Чусовитина икки бор шоҳсупага кўтарилди.
Миллий Олимпия Қўмитаси расмий сайтида келтирилишича, Оксана Чусовитина турнирда 1 та олтин ва 1 та кумуш медалга эга чиққан. Таяниб сакраш беллашувларида 41 ёшли ўзбекистонлик спортчига ҳеч ким тенг кела олмаган бўлса, яккачўпда у кумуш медаль билан чекланган.World Challenge Cup турнирида мезбон Туркия ва Ўзбекистондан ташқари Австралия, Озарбайжон, Венгрия, Гонконг, Иордания, Колумбия, Голландия, Польша, Словения, Хорватия каби мамлакат спортчилари иштирок этди. Бу мусобақа Оксана Чусовитина учун Рио—2016 Олимпиадаси олдидан тайёргарлик вазифасини ўтаб берди.