ИШИД террорчи гуруҳининг кичик бўлинмаси Ливия пойтахти Триполида аниқланиб, йўқ қилинди. Бу ҳақда, Al-Wasat янгиликлар порталига асосланиб, «ТАСС» хабар бермоқда.
Махфий гуруҳ фаоллари Абу Салим кварталида қўлга олинди. Гуруҳнинг энг нуфузли вакили асли тунислик жангари бўлиб, у миналаштириш бўйича операцияларга жавоб берарди. У Триполида ҳам бир қанча терактлар уюштиришни режалаштиргани аниқланди.
Террорчилар ошёни ҳужум билан қўлга киритилди.
ИШИД экстремистик гуруҳи жаҳоннинг бир қатор мамлакатлари ва халқаро ташкилотлар томонидан «террорчилик ташкилоти» деб топилган.