Поп-мусиқа қироли Майкл Жексоннинг синглиси, америкалик хонанда Жанет Жексон биринчи фарзандини кутмоқда. Бу ҳақда The New York Post нашрига асосланиб, «РИА Новости» хабар бермоқда.
16 май куни Жанет Жексон 50 ёшга тўлади.
Хонанданинг ўзи бу борада бирор расмий баёнот билан чиқмади, аммо инсайдерлар турли далилларга асосланган ҳолда бу ахборотни тасдиқламоқда. Жумладан, 41 ёшли қатарлик миллиардер Виссам ал-Маннинг рафиқаси бўлган Жексон апрель ойида кутилмаганда барча гастроль сафарларини бекор қилган эди.