Хонанда Каниза «Истиқлол» санъат саройида бўлиб ўтган концертолди матбуот анжуманида Озодбек Назарбеков, Райҳон, Муниса Ризаева ҳамда Сарвар ва Комилга ўз эътирозларини билдирганди. Хонанда ҳамкасбларига нисбатан фикрлари учун узр сўради, деб хабар беради «Даракчи.uz».
«Журналистлар айбдор эмас, ўзим ҳаяжонланиб, фикрларимни тўғри етказиб беролмадим. Ҳамма ҳамкасбларим ва хонандаларни ҳурмат қиламан. Кўришиб қолганимиздаги муомаламдан то уларнинг концертларига ўзим чипта харид қилиб, гуллар билан бориб табриклашимгача бунга далил. Матбуот анжуманидаги ҳақиқатларим шахсий фикрим, таъбир жоиз бўлса, хатоим ҳамда менга шундай туюлгандек бўла қолсин, — дея таъкидлаган Каниза. — Бахтлиман, дастурим бироз хатолик билан ўтган бўлса-да, аксарият томошабин ва ҳамкасблар тарафидан ‘биринчи концерт учун аъло’ дея баҳоланди. Энг асосийси, оила қурдим. Ҳозирча турмуш ўртоғим назорати остида ижодни давом эттиришга келишилди».