Кеча, 18 апрель куни Филиппин пойтахти Манила шаҳрида таэквондонинг WTF йўналиши бўйича Осиё чемпионати бошланди, деб хабар беради Ўзбекистон Миллий олимпия қўмитаси матбуот хизмати.
Ушбу мусобақада Ўзбекистон шарафини амалдаги жаҳон чемпиони Дмитрий Шокин ва жаҳон чемпионати совриндори Жасур Бойқўзиев ҳимоя қилди.
Таэквондода энг оғир саналган +87 килограмм вазн тоифасида баҳс юритган Дмитрий Шокин ўз вазнида дунёнинг тенгсиз спортчиси эканини амалда яна бир бора исботлади ва Осиё чемпионатининг олтин медалига сазовор бўлди.
Ўзбекистон терма жамоаси етакчиларидан бири Жасур Бойқўзиев -87 килограмм вазн тоифасида Осиё чемпионатининг бронза медали совриндори бўлди.
Қайд этиш жоиз, Манила шаҳридаги таэквондо бўйича Осиё чемпионати 20 апрель, чоршанба куни ўз ниҳоясига етади.
Изоҳ (0)