Sirdaryo tumanidagi 2-maktabda ikki o‘quvchi qiz va o‘qituvchi janjali aks etgan video tarqaldi.
Ma’lumotlarga ko‘ra, voqea 7-oktyabr kuni Sirdaryo tumanidagi 2-maktabda sodir bo‘lgan. Videoda o‘quvchi qizlar o‘qituvchi ayolga qo‘l ko‘tarib, sochidan tortganini, o‘qituvchi ham ulardan birining sochini tortganini ko‘rish mumkin. Voqeaga guvoh bo‘lgan boshqa o‘qituvchilar ularni ajratishga harakat qilgan.
Holat Sirdaryo viloyati Maktabgacha va maktab ta’limi boshqarmasi va soha mas’ullari nazoratiga olingan. O‘rganish ishlari olib borilmoqda.
Avvalroq Sirdaryoda o‘qituvchi 1-sinf o‘quvchisini qo‘liga igna sanchish bilan jazolangani haqida xabarlar tarqalgandi. Surishtiruv davomida yuqoridagi holat tasdig‘ini topmagan.
