Guliston shahrida joylashgan mas’uliyati cheklangan jamiyatda gaz hisoblagichga o‘rnatilgan bir martalik tamg‘a uzib tashlangan. Bu haqda “Hududgazta’minot” AJ axborot xizmati xabar bermoqda.
Aytilishicha, Sirdaryo viloyati Guliston shahrida joylashgan mas’uliyati cheklangan jamiyatda gaz hisoblagichga o‘rnatilgan bir martalik tamg‘a uzilib, 223 million 300 ming so‘mlik tabiiy gazdan noqonuniy foydalanilgan.
Bu kabi holat Namangan viloyati Uchqo‘rg‘on tumanida joylashgan, yakka tartibdagi tadbirkorga qarashli issiqxona qurilmalari gaz hisoblagichdan tashqari 20 mm polietilen quvur orqali gaz tarmog‘iga o‘zboshimchalik bilan ulanib, 3 milliard 2 million so‘mlik tabiiy gazdan noqonuniy foydalanilgani aniqlandi.
Mazkur holatlar yuzasidan tegishli hujjatlar rasmiylashtirilib, huquqni muhofaza qiluvchi organlarga yuborilgan.
Avvalroq Jizzax viloyatida 812 million so‘mlik gazdan noqonuniy foydalangan mehmonxona aniqlangan edi.
