Futbol bo‘yicha 2026-yilgi Jahon chempionatining 1/16 finalida to‘qnash keladigan ilk jamoalar nomi ma'lum bo‘ldi. Pley-offning dastlabki o‘yinida Kanada hamda Janubiy Afrika Respublikasi (JAR) terma jamoalari o‘zaro bahs olib boradi.
Mazkur uchrashuv 28-iyun kuni AQSHning Kaliforniya shtatida joylashgan Inglvud shahrida bo‘lib o‘tishi belgilangan.
Ma’lumot o‘rnida, guruh bosqichi yakunlariga ko‘ra, janubiy afrikaliklar A guruhida, kanadaliklar esa B guruhida 2-o‘rinni band etdi. Har ikki terma jamoa ham uchta tur natijasiga ko‘ra 4 ochkodan jamg‘arishga muvaffaq bo‘ldi. Ta'kidlash joizki, JAR terma jamoasi o‘z tarixida ilk bor Jahon chempionatining pley-off bosqichiga yo‘llanma oldi.
Eslatib o‘tamiz, AQSH, Kanada va Meksika maydonlarida o‘tayotgan ushbu musobaqada tarixda birinchi marta 48 ta jamoa ishtirok etmoqda. 11-iyun kuni boshlangan turnir 19-iyulga qadar davom etadi. Musobaqaning amaldagi g‘olibi Argentina terma jamoasi hisoblanadi.
