Hindistonning shimoli-sharqida An-32 harbiy samolyoti qo‘nishga urinayotgan paytda halokatga uchrashi oqibatida ekipajning besh a’zosi halok bo‘ldi. Bu haqda Hindiston Harbiy-havo kuchlari X ijtimoiy tarmog‘ida xabar berdi.
Falokat rejali parvoz vaqtida, 13-iyun kuni mahalliy vaqt bilan taxminan soat 10:00 da yuz berdi. Hindiston hukumati ma’lumotlariga ko‘ra, halokat oqibatida besh nafar harbiy xizmatchi halok bo‘lgan. Ekipajning yana bir a’zosi – ikkinchi uchuvchi tirik qolgan.
Hindistonning NTV telekanali reportajida ko‘rsatilgan kadrlarda samolyot bo‘laklarga bo‘linib ketgani aks etgan.
“Hodisa sabablarini aniqlash uchun tergov komissiyasi tuzilmoqda. Ayni paytda voqea joyida ishlar olib borilmoqda va dastlabki tergov boshlangan”, deyiladi HHK xabarida.
- An-32 Hindiston uchun maxsus ishlab chiqilgan
Hozirda Ukrainaga tegishli bo‘lgan “Antonov” kompaniyasi saytida qayd etilishicha, samolyotni ishlab chiqarish 1996-yilgacha davom etgan va bu vaqt ichida Kiyevda jami 358 ta samolyot ishlab chiqarilgan. 1980-yilning oxirida ularning 118 tasi Hindistonga topshirilgan.
- Hindistondagi aviahalokatlar
2021-yil dekabrida esa mamlakat janubidagi Tamilnad shtatida Rossiyada ishlab chiqarilgan Mi-17 vertolyotining halokati oqibatida Hindiston mudofaa shtabining o‘sha paytdagi boshlig‘i, general Bipin Ravat va yana 12 kishi, jumladan, uning rafiqasi ham halok bo‘lgandi.
