O‘zbekiston 21-may kuni Eron xalqiga insonparvarlik yordami ikkinchi partiyasini yubordi. Bu haqda Eronning Press TV telekanali xabar berdi.
Qayd etilishicha, 15 ta yuk mashinasiga ortilgan ushbu insonparvarlik yordami tarkibidan dori-darmon va tibbiy vositalar o‘rin olgan. Yuklar Dargaz quruqlik chegara posti orqali mamlakatga olib kirildi va Eron Qizil yarim oy jamiyatiga topshirildi.
Avvalgi insonparvarlik yuki bundan ikki oy avval, 16-martda yuborilgandi. Unda oziq-ovqat mahsulotlari, jumladan un, guruch, shakar, makaron mahsulotlari, kungaboqar yog‘i hamda konservalar, shuningdek, dori vositalari va tibbiy buyumlar berilgandi.
