G‘azo sektorida HAMAS boshqaruvidagi politsiya kuchlarining ikkita nazorat-o‘tkazish punktiga Isroil tomonidan berilgan havo zarbalari oqibatida kamida olti nafar falastinlik halok bo‘ldi.
Hujum AQSH vositachiligida tuzilgan va besh oydan ortiq vaqt davom etayotgan o‘t ochishni to‘xtatish kelishuviga qaramay sodir etilgan navbatdagi zo‘ravonlik ko‘rinishidir. Tibbiyot xodimlarining so‘zlariga ko‘ra, Isroil harbiy samolyotlari G‘azo sektorining janubidagi Xon Yunis shahrida joylashgan ikkita politsiya postiga hujum qilgan.
Hodisa oqibatida uch nafar politsiyachi va uch nafar tinch aholi vakili (shu jumladan, bir nafar qizaloq) hayotdan ko‘z yumgan. Yana to‘rt kishi turli darajadagi jarohatlar olgan. Isroil harbiylari hozircha ushbu so‘nggi zarbalar yuzasidan rasmiy izoh bermadi.
Umuman olganda, 2023-yil oktyabr oyida urush boshlanganidan beri halok bo‘lganlar soni 72 000 nafardan oshib ketdi. Bugungi kunda Isroil AQShH bilan birgalikda Eronga qarshi urush olib bormoqda, shuningdek, “Hizbulloh”ga qarshi yangi kampaniya doirasida Livan janubiga bostirib kirgan.
“G‘azoda zo‘ravonliklar o‘t ochishni to‘xtatish kelishuviga va Isroilning Eron bilan urushiga qaramay davom etmoqda. Mintaqadagi rasmiylarga ko‘ra, Eron bilan mojarolar boshlangan bir oy ichida Isroil kuchlari tomonidan kamida 50 nafar falastinlik o‘ldirilgan”, deyiladi xabarda.
