Imom Buxoriy masjid-majmuasida 2026-yil 20-mart kuni ilk hayit namozi o‘qildi.
O‘zbekiston musulmonlari idorasi raisi, muftiy Shayx Nuriddin Xoliqnazar boshchiligida respublikaning turli hududlardan tashrif buyurgan ulamolar, bosh imom-xatiblar, nuroniylar, minglab fuqarolar 10 ming sig‘imga ega bo‘lgan ushbu masjidda Ramazon hayiti namozini ado etdi.
19-mart kuni prezident Shavkat Mirziyoyev Imom Buxoriy majmuasida yakuniga yetgan bunyodkorlik ishlari va yaratilgan sharoitlar bilan tanishdi. U yerdagi barcha ishlar yakuniga yetganini hisobga olib, yangi qurilgan masjidda Hayit namozini ado etish taklif qilindi, bu aholiga munosib Ramazon sovgʻasi boʻlishi taʼkidlandi.
Imom Buxoriy masjid-majmuasida o‘qilgan hayit namozidan lavhalar
Prezident qaroriga ko‘ra, Ramazon hayiti milliy an’ana va urf-odatlarga hamda Navro‘z umumxalq bayramiga uyg‘un holda ko‘tarinki ruhda o‘tkazilishi belgilandi. Navro‘z va Ramazon hayiti arafasida qilmishiga chin ko‘ngildan pushaymon bo‘lgan va tuzalish yo‘liga qat’iy o‘tgan 392 nafar mahkum afv etildi.
