Ispaniya Kubogi 1/8 finali doirasidagi “Rasing” — “Barselona” uchrashuvi yakunlandi. “El Sardinero” stadionida bo‘lib o‘tgan bahsda Hansi Flik boshqaruvidagi “ko‘k-anorranglilar” 1:0 hisobida g‘alaba qozonib, chorak finalga yo‘llanmani qo‘lga kiritdi.
Ma’lumot uchun, “Rasing” Ispaniyaning ikkinchi divizioni — Segunda joriy mavsumida 38 ochko bilan 1-o‘rinda bormoqda.
Uchrashuvda hisob 66-daqiqada Ferran Torres tomonidan kiritildi. 90+5-daqiqada Lamin Yamal g‘alaba goliga mualliflik qildi — 0:2. Shu tariqa, “Barselona” Ispaniya Superkubogidagi muvaffaqiyatli natijadan so‘ng, Ispaniya Kubogida ham yurishini davom ettiradigan bo‘ldi.
Ma’lumot uchun, Alvaro Arbeloa boshqaruvidagi “Real Madrid” Ispaniya Kubogi 1/8 finali doirasidagi uchrashuvda Segunda vakili — “Albasete”dan mag‘lubiyatga uchrab, musobaqani tark etdi.
Ispaniya Kubogi
1/8 final
“Rasing” — “Barselona” 0:2
Gol: 0:1 — Ferran (66), 0:2 — Yamal (90+5)
