Eron havo hududi yopilgani sababli 15-yanvar kuni O‘zbekistondan uchgan va O‘zbekistonga uchayotgan bir qator aviareyslar jo‘nash aeroportlariga qaytishga majbur bo‘ldi.
Uzbekistan Airports matbuot xizmatining xabar qilishicha, quyidagi reyslar jo‘nash aeroportlariga qaytishga majbur bo‘lgan:
- Fly One Asia’ning 7Q7742 reysi (Madina—Toshkent yo‘nalishi), 7Q4442 reysi (Madina—Farg‘ona yo‘nalishi) Madina aeroportiga;
- Jazeera Airways’ning J9650 reysi (Toshkent—Kuvayt) Toshkent aeroportiga;
- Sam Air‘ning 9S3303 reysi (Samarqand—Jidda), Samarqand aeroportiga;
- Fly Khiva’ning 2U7911 reysi (Urganch—Madina yo‘nalishi) Urganch aeroportiga;
- Uzbekistan Airway’ning HY336 reysi (Jidda—Toshkent) Jidda aeroportiga.
Eron o‘z havo hududini maxsus ruxsat etilgan parvozlardan tashqari barcha reyslar uchun yopgan. Ushbu davlatda 2025-yil dekabr oyi oxiridan beri norozilik namoyishlari davom etmoqda. TIV Eronda bo‘lib turgan O‘zbekiston fuqarolaridan miting va namoyishlarda ishtirok etmaslikni, odamlar ko‘p to‘planadigan joylardan yiroq bo‘lishni hamda shaxsiy xavfsizlik choralariga qat’iy rioya etishni so‘radi.
