Dunyoga mashhur Forbes jurnali eng qimmat sport jamoalari reytingini e’lon qildi. Ushbu ro‘yxatdan futbol klublari orasida “Real Madrid”, “Barselona”, “Manchester Yunayted” va “Liverpul” jamoalari ham o‘rin oldi.
“Qirollik klubi” reytingda 6,75 milliard dollar bilan 20-o‘rinni egallagan. “Manchester Yunayted” 6,6 milliard dollar bilan 24-pog‘onadan joy olgan bo‘lsa, “Barselona” 5,65 milliard dollar bilan 42-o‘rinni band etdi. “Liverpul” esa 5,4 milliard dollar baho bilan 48-pog‘onaga joylashdi. Ta’kidlash joiz, o‘tgan yilga nisbatan madridliklar 8 pog‘onaga, mankunianliklar 10 pog‘onaga, kataloniyaliklar 20 pog‘onaga, mersisaydliklar esa 21 pog‘onaga pastlagan.
Forbes reytingni tuzishda klublarning umumiy biznes qiymatini hisobga olgan. Bunda stadiondan olinadigan daromadlar va klubga tegishli teletranslyatsiya huquqlaridan tushadigan mablag‘lar inobatga olingan. Ammo klubga aloqador boshqa sport loyihalari va aktivlaridagi ulushlar hisob-kitobga kiritilmagan.
Forbes talqiniga ko‘ra, 2025-yilning eng qimmat sport jamoalari:
- “Dallas Kovboys” (NFL) — 13 mlrd dollar
- “Golden Steyt Uorriors” (NBA) — 11 mlrd dollar
- “Los-Anjeles Rems” (NFL) — 10,5 mlrd dollar
- “Nyu-York Jayants” (NFL) — 10,1 mlrd dollar
- “Los-Anjeles Leykers” (NBA) — 10 mlrd dollar
- “Nyu-York Niks” (NBA) — 9,75 mlrd dollar
- “Nyu-Inglend Petroits” (NFL) — 9 mlrd dollar
- “San-Fransisko Forti Nayners” (NFL) — 8,6 mlrd dollar
- “Filadelfiya Iglz” (NFL) — 8,3 mlrd dollar
- “Chikago Birs” (NFL) — 8,2 mlrd dollar
20. “Real” (futbol) — 6,75 mlrd dollar
24. “Manchester Yunayted” (futbol) — 6,6 mlrd dollar
42. “Barselona” (futbol) — 5,65 mlrd dollar
48. “Liverpul” (futbol) — 5,4 mlrd dollar
