Markaziy bank xorijiy valyutalarning o‘zbek so‘miga nisbatan 25-noyabrda amalda bo‘ladigan qiymatini eʼlon qildi.
Unga ko‘ra:
- dollar 16,92 so‘mga oshib, 11 988,32 so‘m bo‘ldi;
- yevro 25,49 so‘mga ko‘tarilib, 13 822,53 so‘m bo‘ldi;
- rubl 0,21 so‘mga oshib 152,02 so‘mni tashkil etdi.
Bundan avval dollar kursi 56,73 so‘mga ko‘tarilib, 11 971,40 so‘m bo‘lgandi.
Markaziy bank ma'lumotlariga ko‘ra, 2025-yil yanvar–oktyabr oylarida soʻmning xorijiy valyutalarga nisbatan almashuv kursi 7 foizga mustahkamlangan. Bunga bir qator qator omillar taʼsir koʻrsatgan. Avvalo, eksport tushumlari va xalqaro pul oʻtkazmalarining sezilarli oʻsishi soʻm qadri ortishiga turtki bergan. Oʻz navbatida xorijiy kreditlar jalb qilinishi, import toʻlovlari hajmlarining nisbatan barqarorlashuvi ham mazkur tendensiyaga taʼsir oʻtkazgan. Shu bilan birga, investitsiya hajmlari, jumladan toʻgʻridan toʻgʻri xorijiy investitsiyalarning oshgani ham soʻm almashuv kursi mustahkamlanishiga zamin yaratgan.
