Osiyo Chempionlar Ligasi 2 musobaqasi 3-turidan o‘rin olgan “Andijon” hamda Bahraynning “Al-Halidiya” jamoalari o‘rtasidagi bahs yakuniga yetdi. Andijondagi “Bobur arena” stadionida o‘tgan bahsda tomonlar 0:0 hisobida durang o‘ynadi.
O‘yin keskin kurashlar ostida boshlandi. Har ikki jamoa navbatma-navbat raqib darvozasi qarshisida xavfli hujum uyushtirdi. Ammo darvozalarga to‘p kiritilmadi.
Mazkur natijadan keyin “Andijon” hisobidagi ochkolar soni 3 taga yetdi. Maksim Shatskix shogirdlari turnir jadvalida ikkinchi pog‘onani egallab turibdi. “Al-Halidiya” esa 5 ochko bilan yetakchilik qilmoqda.
E’tiborli tomoni shundaki, guruhda faqat Bahrayn klubi gol urishni uddalagan. Jamoa 2-tur doirasidagi “Arqadag‘”ga qarshi bahsda 2:0 hisobida g‘alaba qozongan. Guruhning qolgan ishtirokchilari — “Al-Ahli”, “Andijon” hamda “Arqadag‘” hozircha raqib darvozasini ishg‘ol qilmadi.
Osiyo Chempionlar Ligasi 2
3-tur“Andijon” — “Al-Halidiya” 0:0
