Sirdaryoda bolaga shafqatsiz munosabatda boʻlgan ikki nafar tarbiyachi ishdan olindi. Ushbu vaziyat yuzasidan viloyat Maktabgacha va maktab taʼlimi boshqarmasi rasmiy munosabat bildirdi.
Ijtimoiy tarmoqlarda tarqalgan videoda tarbiyachilar bir bolaga baqirib, uni kechirim soʻrashga majbur qilayotganini, bola esa yigʻlab uzr soʻrayotganini eshitish mumkin.
Tegishli choralar koʻrilib, ikki nafar tarbiyachi bilan mehnat shartnomasi bekor qilindi, deyiladi boshqarma munosabatida.
Shu bilan birga, voqea yuzasidan maktabgacha taʼlim tizimida pedagoglarning axloqiy masʼuliyatini oshirish boʻyicha qoʻshimcha chora-tadbirlar belgilangan.
Toshkent viloyatining bir qator bogʻchalarida bolalar zaharlanishi bilan bogʻliq holat yuzasidan 7 kishi qamoqqa olingandi. Ularning 2 nafari bolalar zaharlanishiga sabab boʻlgan mahsulot ishlab chiqaruvchilari boʻlsa, qolganlari autsorsing bilan shugʻullangan kompaniya vakillari boʻlgan.
