Qozog‘iston terma jamoasi Jahon chempionati saralashi 7-turidan o‘rin olgan bahsda Shimoliy Makedoniya bilan 1:1 hisobida durang o‘ynadi va 2026-yilgi Jahon chempionati yo‘llanmasini qo‘lga kirita olmadi.
Saralash bosqichidan so‘ng yetti uchrashuvda 7 ochko to‘plagan Qozog‘iston guruhda 4-o‘rinda bormoqda. Jamoa faqat Lixtensheynni ortda qoldirmoqda. Guruh yetakchilari esa Belgiya (14 ochko) va Shimoliy Makedoniya (13 ochko) hisoblanadi.
Qozog‘istonning saralash bosqichidagi natijalari:
- Uels – Qozog‘iston: 3:1
- Qozog‘iston – Lixtensheyn: 2:0
- Shimoliy Makedoniya – Qozog‘iston: 1:0
- Qozog‘iston – Uels: 0:1
- Belgiya – Qozog‘iston: 6:0
- Qozog‘iston – Lixtensheyn: 4:0
- Qozog‘iston – Shimoliy Makedoniya: 1:1
Qozog‘iston terma jamoasi saralash bosqichidagi so‘nggi o‘yinini 15-noyabr kuni o‘z maydonida Belgiya terma jamoasiga qarshi o‘tkazadi.
Shu tariqa, O‘zbekiston terma jamoasi Markaziy Osiyo qit’asidan mundial yo‘llanmasini qo‘lga kiritgan yagona jamoaga aylandi.
Ma’lumot uchun, 2026-yilgi Jahon chempionati tarixda ilk bor 48 ta jamoa ishtirokida o‘tkaziladi. Turnir 11-iyundan 19-iyulgacha AQSH, Kanada va Meksika maydonlarida bo‘lib o‘tadi. Musobaqaga qur’a tashlash marosimi joriy yilning 5-dekabr kuni AQSHning Vashington shahridagi Kennedi markazida bo‘lib o‘tadi.
