Isroil bosh vaziri Binyamin Netanyaxu AQSH prezidenti Donald Trampdan Falastin hududlarini o‘ziga qo‘shib olish uchun “yashil chiroq” kutmoqda. Bu haqda Axios portali o‘z manbalariga tayanib xabar bermoqda.
Axios’ning yozishicha, sentyabr oyi boshida Netanyaxu AQSH Davlat kotibi Marko Rubio bilan Quddusda uchrashganda, Falastinni o‘ziga qo‘shib olishning turli variantlarini ko‘rib chiqayotganini aytgan.“Isroil rasmiylarining aytishicha, Netanyaxu hududlarni o‘ziga qo‘shib olishga oid harakatlarni boshlashdan oldin Trampdan ruxsat olmoqchi”, deyiladi xabarda.
Shu bilan birga, Tramp ma’muriyatida Isroilga bunday imkoniyat berishga “xohish yo‘qligi” ta’kidlanmoqda.“Bu G‘arbiy qirg‘oqning 60 foizini Isroil hududi deb e’lon qilish degani bo‘lardi”, deya xulosa qiladi portal.
18-sentyabr kuni AQSH BMT Xavfsizlik Kengashida G‘azo sektorida o‘t ochishni to‘xtatish, ushlab turilganlarni ozod qilish va aholiga gumanitar yordam yetkazish yo‘lidagi to‘siqlarni bartaraf etishga chaqiruvchi rezolyutsiyani qabul qilishni yana bir bor to‘sib qo‘ydi. Xavfsizlik Kengashining o‘n minginci yig‘ilishida hujjatga qarshi faqat AQSH ovoz berdi, qolgan 14 a’zo, jumladan doimiy a’zolar (Rossiya, Xitoy, Fransiya va Buyuk Britaniya) uni qo‘llab-quvvatladi.
