O‘zbekistonda ish haftasi havo biroz bulutli, ba’zi joylarda o‘zgaruvchan bo‘ladi, deb xabar bermoqda “O‘zgidromet”.
Prognozlarga ko‘ra, 22—26-sentyabr kunlari havo harorati asosan kechalari 12-17 daraja, kunduz kunlari 24-29 daraja atrofida bo‘ladi.
22—23-sentyabr va 26-sentyabr kunlari Toshkent viloyati va Farg‘ona vodiysi viloyatlarining tog‘ oldi va tog‘li hududlarida ba’zi joylarda qisqa muddatli yomg‘ir yog‘ishi mumkin.
24 va 26-sentyabrda respublika shimolida va cho‘l hududlarida ba’zi joylarda shamol tezligi 13-18 metr/sekundgacha kuchayishi, ayrim joylarda chang-to‘zon bilan kuzatilishi mumkin.
Toshkentda havo biroz bulutli, vaqti-vaqti bilan o‘zgaruvchan bo‘ladi, yog‘ingarchilik kutilmaydi. Harorat asosan kechalari 13-16 daraja, kunduzi 22—23-sentyabrda 24-27 daraja, 24—26-sentyabrda 27-29 daraja bo‘ladi.
