Madridning “Real” klubi bosh murabbiyi Xabi Alonso yozgi transfer oynasi vaqtida markaziy yarim himoya chizig‘ini kuchaytirishni rejalashtirmoqda. Defensa Central nashrining xabar berishicha, ispaniyalik mutaxassis “Liverpul” futbolchisi Aleksis Makallisterga jiddiy qiziqish bildirmoqda.
Manbaga ko‘ra, Alonsoga argentinalik futbolchining texnikasi va taktik moslashuvchanligi juda yoqadi. U Makallisterni Kroos va Modrich klubni tark etganidan keyin yarim himoyadagi asosiy figuralardan biriga aylantirish niyatida. Shuningdek, Aleksisning bir nechta pozitsiyada o‘ynay olishi “Real”ning e’tiborini tortgan. Ayniqsa, u Arda Gyuler va Fransko Mastantuono kabi yosh futbolchilar bilan yaxshi tandem hosil qilishi mumkin.
Avvalroq madridliklar “Manchester Siti” yarim himoyachisi Rodri, “Chelsi” a’zosi Enso Fernandesh va “Arsenal”ning ispaniyalik futbolchisi Martin Zubimendiga qiziqayotgani haqida xabarlar chiqqan edi. Shunga qaramay, Alonso aynan Makallisterni jamoaga olib kelishni maqsad qilgan.
- 24 yoshli Makallisterning “Liverpul” bilan tuzgan shartnomasi 2028-yil yozigacha amal qiladi.
- Transfermarkt portali uning transfer narxini 100 million yevro deb baholagan.
