Toshkent metrosining “Texnopark”—“Yangiobod” bekatlari oralig‘ida 2-avgustdan boshlab poyezdlar harakati to‘xtatiladi. Bu haqda metropoliten matbuot xizmati xabar berdi.
Ma’lum qilinishicha, quyidagi 6 ta bekatda metro poyezdlar harakati rejali profilaktik ishlar amalga oshirilishi sabab to‘xtatiladi:
- “Texnopark”;
- “Yashnobod”;
- “Tuzel”;
- “Olmos”;
- “Rohat”;
- “Yangiobod”.
Yo‘lovchilarga noqulaylik hosil qilmaslik maqsadida “Texnopark”—“Qipchoq”—“Texnopark” metro bekatlari oralig‘ida bepul xizmat ko‘rsatuvchi katta sig‘imli avtobuslar (metrobus) harakati yo‘lga qo‘yiladi. Ushbu avtobuslarning kunlik ish vaqti tonggi 05:00 dan tungi 23:00 ga qadar amalga oshiriladi.
“Toshkent metropoliteni” “Texnopark”—“Qipchoq” bekatlari oralig‘ida bosqichma-bosqich 3 oy muddatga mo‘ljallangan rejali profilaktik ishlar amalga oshirilayotganini ma’lum qilgandi. 8-iyundan ikkita bekat – “Turon” (13-bekat) – “Qipchoq” (14-bekat) bekatlari oralig‘ida metro poyezdlar harakati to‘xtatilgandi. 28-iyundan esa “Quruvchilar” (12-bekat) — “Yangiobod” (6-bekat)” bekatlari oralig‘ida metro poyezdlar harakati to‘xtatildi. Shunday qilib “O‘zbekiston mustaqilligining 30 yilligi” yo‘li bekatlarining barchasi ishlamaydi.
