O‘zbekistonda X (sobiq Twitter) ijtimoiy tarmog‘idan bugungi kunda 400 mingdan ortiq kishi foydalanadi. Bu mamlakatda ommabop ijtimoiy tarmoq bo‘lmasa-da, u yerda jurnalistlar, blogerlar va turli faol foydalanuvchilar qiziqarli mavzularni muhokama qiladi. “Daryo” shu kunlarda tarmoqda muhokama qilinayotgan mavzularga to‘xtaldi.
Jurnalist Shuhrat Shokirjonov shoir Jamshid Akbarovning yangi ijodi bilan bo‘lishdi. “Bunday tinch yurtda yashash bir ne’mat” deb nomlangan she’rni ulashdi.
https://twitter.com/shokirjonov/status/1947214727190339604
“Teshavoy aka” nomli akkaunt foydalanuvchisi stendap yo‘nalishida ijod qiladigan ijodkorning “qora yumor’ini tanqid qildi. Uning fikricha, bu yerda hech qanday kulgili narsa yo‘q. Qiziqchi amakivachchalarning turmush qurishi haqida xazil qilib, ularning farzandi nogironligidan bilib olish mumkinligini aytib o‘tgan.
https://twitter.com/teshavoy_aka/status/1947156924572602770
“Tirik jonni yoqish — bu hazil emas. Bu odob-axloqdan emas, bu allaqachon ruhiy holatga doir tashxis”. Ekofaol Feruzbek Sayfullayev ko‘p qavatli uylar podyezdida ikki voyaga yetmagan bolalar mushukni yoqib yuborganini keskin tanqid qildi. Uy hayvonlariga e’tibor insoniylik mezonini belgilaydi. Ekofaolning qo‘shimcha qilishicha, holat qachon va qayerda yuz bergani aniqlanmoqda.
Xushnudbek Xudoyberdiyev do‘ngalaklar mavzusiga e’tibor qaratib, mahalla ichidagi keskin burilishlarda ularning foydasi katta ekanini e’tirof etgan.
https://twitter.com/xushnudbeck/status/1946508160824398134
“Daryo” nashri do‘ngalaklar haqida video tayyorlagan. Ushbu link orqali videoni tomosha qilishingiz mumkin.
Akmal Khamraev nomli akkaunt egasi National Geographic telekanali Buxoro haqida ko‘rsatuv tayyorlash uchun viloyatda tasvirga olish ishlari jarayonidan fotosuratlar taqdim etdi.
https://twitter.com/superakish/status/1947233766742819043
Ushbu tarmoq dunyo bo‘ylab ham mashhur. Quyida shu kunlarda jahonda trendda bo‘lgan ba’zi mavzular yoritildi.
Devid Bekham umrida ilk bor omadsiz soch turmagiga ega bo‘ldi. Ma’lum bo‘lishicha, sportchining qo‘lidan soch olish mashinkasi sirg’alib chiqib ketgan.
https://twitter.com/sportsru/status/1947235111268958295
Yaponiyada bosh vazir uchun saylovlar bo‘lib o‘tmoqda. Yaponiyalik tarmoq foydalanuvchilaridan biri ushbu jarayonda qatnashgani haqida yozib qoldirdi.
https://twitter.com/Repsol1968/status/1946809256650658255
X ijtimoiy tarmog‘ining turkiyalik foydalanuvchilari tomonidan #GazzeyiUnutma heshtegi ommalashmoqda.
https://twitter.com/digerkm/status/1947023519134445908
MMA muxlislari faoliyatini tugatgan Dastin Porye haqida iliq fikrlar bildirmoqda.
https://twitter.com/SpinninBackfist/status/1946804051544547539
AQSHning Luiziana shtati, Nyu Orlean shahrida bo‘lib o‘tgan UFC 318 turnirida sportchi faoliyatidagi so‘nggi jangida Maks Holloueyga yutqazgan edi.
“Daryo” tarmoqdagi eng qiziqarli va kundalik mavzularni yoritishda davom etadi.
